أمنية في عيد نصر أكتوبر المقبل

نفسي في ععيد نصر أكتوبر القادم لا اشوف عاصم عبد الماجد و اخواته و لا غادة عبد الرازق و اخواتها نفسي اشوف الشعب المصري الحقيقي

يا لميس يا حديدي نفسي اخنقك بايدي من

كلما حاولت التعاطف مع الاخوإن تذكرت هتافات طفلة من على منصة رابعة يا لميس يا حديدي نفسي اخنقك بايدي فانراجع عن ذلك تماما مش عارف ليه مع انى مابحبش لميس برضه

عندما اقول يا ريتنى كنت اخوان

عندما ارى ابناء الجماعة و هم يحملون الفتيات فى الشارع من اجل الهروب من الشرطة و الضرب بقرن فى بيوتكن من على الكوبري اقول يا ريتنى كنت معاهم

العاملين فى الخارج و ابنائهم و مصر الغلبانة

شوية لا مؤاخذة عايشين فى الخارج من اكثر من عشرين سنة
عيالهم حيخلصوا جامعة ماسمعوش فى طابور نشيد بلادي بلادي
و مش عاجباه مصر و لا اختيارات شعب مصر
مش بتعمل فلوس و احنا بنلحس فى ترابها هنا
خلاص ابعد عن اللى خلفونا
ابعد عن اللى خلفونا

حال المصريين بعد قرعة غانا فى كأس العالم

نتيجة قرعة كأس العالم كاملة

 

حال المصريين بعد قرعة غانا فى كأس العالم

لا حول و لا قوة الا بالله

الحمد لله على الهزيمة امام غانا

ده جزاء اللى ييجي على مصر جامد

طيب البرتغال كانت حتغلبنا كام 36 -1

قرعة كأس العالم فى البرازيل يا حظ الجزائر كالعادة

لو نظرنا الى قرعة المجموعات فى كأس العالم ابارك لكل من ساحل العاج و نيجيريا و الجزائر و اواسي الكاميرون و غانا فأمام الثلاثة الأول فرصة العمر للتأهل الى دور الستة عشر اما الكاميرون و غانا فالصعود معجزة
وجاء تشكيل المجموعات كالآتى
المجموعة الأولى
البرازيل كرواتيا المكسيك الكاميرون
المجموعة الثانية
اسبانيا هولندا تشيلي هندوراس
المجموعة الثالثة
كولومبيا كوت ديفوار اليابان اليونان
المجموعة الرابعة
اوروجواى كوستاريكا انجلترا ايطاليا
المجموعة الخامسة
فرنسا سويسرا الاكوادورهندوراس
المجموعة السادسة
 الأرجنتين البوسنة ايران نيجيريا
المجموعة السابعة
المانيا الولايات المتحدة غانا البرتغال
المجموعة الثامنة
الجزائر كوريا الجنوبية بلجيكا روسيا

و يا حظك يا جزاير

خيرت - سيدنا يوسف - تفسير الحلم

 عندما يذكر عدد من الاخوان مرارا و آخرهم خيرت الشاطر اليوم انه سوف يكون كسيدنا يوسف عليه السلام فى السجن و الحكم اتمنى ان يتحقق حلمهم و لكن بعد ان يكونوا كسيدنا يوسف فى حكمته و عدله و شفافيته و تنزهه عن متع الحياة المختلفة و حبه للجميع ( اعدائه قبل اصدقائه )

حول ترشيح السيسي للرئاسة اتكلم

السيسي يترشح السيسي ما يترشحش مش دى المشكلة خالص الشهر ده او الشهر اللى جاي المهم دلوقتى ان بلدنا تحط الخطوة الأولى الصح على الطريق الصح فى الاتجاه الصحيح

Sent from Samsunاتلg Mobile

الكيف و اصوله و الكيمي كيمي كا

فيلم الكيف للراحل محمود ابوزيد و العظماء محمود عبد العزيز و معهم جميل راتب من اروع ما انتجته السينما المصرية و يجب اذاعته كثيرا فهو يرصد بداية الانهيار الحقيقي للشخصية المصرية بدأ بالغناء للقفا و انتهى بالغناء للكيمياء
و الكيمى كيمى كا الكيمى كيمى كو ضيعتك بعندك يا قفا و لا ايه يا فننس بندلع الفن

عن وفاة نجم و مانديلا اتحدث

احمد فؤاد نجم توفى عن 84 سنة و لا 89 سنة في رواية اخرى
ماندبلا مات عن 95 عام
الناس زعلانة قوى
طيب انا اعمل ايه على صحابى اللى بيموتوا
ثلاتينات و اربعينيات
الله يرحم الجميع بمن فيهم مانديلا و نجم

افلام رأفت الميهى و الوضع السياسي فى مصر

الوضع السياسي فى مصر عامل زي افلام رأفت الميهى حتة من هنا و حتة من هناك و الممثلين كتير كتير و كله بيخبط فى بعضه ماتعرفش الفيلم كوميدى و لا تراجيدى و لا هجسي و تحس ان فيهم هباله غريبة و مع ان الفيلم متكلف متلاقيش منه حاجة مفيدة
الوحيد اللى تفوق على يوسف شاهين

هل توفى احمد نظيف رئيس وزراء مصر السابق ؟

تعليقات يمين و تعليقات شمال
مواقع تؤكد و مواقع تنفي
اشاعة هنا و اشاعة هناك
الخبر الوحيد الأكيد ان وفاته لن تعني الا اغلاق ملفات بعض القضايا اة انتهاء الادعاء ضد متهم فى جناية او جنايتين امام المحاكم المصرية
الرجل رحمه الله حيا او ميتا لم يعد له اى تأثير على ارض الواقع بتاتا

تعليقا على فوز السيسي بشخصية العام فى استفتاء التايم الأمريكية

حتى لو كان خبر فوز الفريق السيسي باستفتاء تايم لشخصية العام خبر فى منتهى الهيافة الا انه يدل ان سيطرة الاخوان على الانترنت و مواقع الانترنت فى طريقها الى الزوال و ان اللجان الالكترونية لم تعد بقوتها السابقة كما كانت من قبل قبل 30 يونيو و ان مجموعات غير منظمة من مرتادى الانترنت المصريين قد تغلبت على كل قواعد الجماعة حول العالم

نصيحة و الأرزاق على الله الى كل الاخوان

غندما توافرت كل العوامل لثورة 30 يونيو نجحت و قلبت مرسي فى 3 ايام و من وقتها و الجيش و الشرطة و قطاع عريض من الشعب ايد واحدة كما يقولون و الآن هل ان ترمي نفسك الى التهلكة ؟
هل الجماعة و طريق الجماعة و ما يحدث من الجماعة هو الصواب هل ستجتمع الظروف نفس الظروف مرة اخرى  حتى تنتصر ارادتكم على ارادة المصريين حتى لو اعجبتكم كثرتكم و تلا حمكم معا !!!!